all right then . dah bapo lamo den tak update blog . punyo lah lamo . haha . skali skalo nak gak update blog. haha . ni haa . nak koba an .. den dapek UiTM Tapah . ado tak sesapo laie yang dapek ? 2Jun wooo . den dapek Diploma Sains Komputer . Punyo lah hepi lak an . sampai masalah datang pun den tak poghasan . LUPO NAK APPLY PTPTN!!! . alangkah bengong eh . kalau abah den tu kayo takpo gak . ni kojo jaga (security guard). gaji eh tak sampai RM2000 cam mano nak sponsor den poie bolaja ??? haihhh . tarikh tutup ptptn 30/05/2012 . den apply 01/06/2012 . po bondo nak apply laie . seb baik la dapek apply yang klompok 2 punyo . kalau tak . mongango yo abah den uh . haha . nampak eh , den dapek duit ptptn lambat sobulan . makan pasir yo la sobulan nak nunggu an duit ptptn tuh . haihhh . apopun , den ucap an tahniah kek sapo2 yang dapek sambung bolaja . yang tak dapek tu , boleh cubo apply tingkatan 6 . Insya-Allah, rezeki ado yo kek memano . buek leklok . kalau lopeh STPM , buleh la sambung bolaja laie . samo2 lah kito doa kan . amin~~ 












dahdah . den maleh nak taip laie . buek lotih yo . bukan ghamai oghang nak baco pun . boghapo ghamai na oghang yang follow blog den ni ha . tak sampai doploh oghang pun . biaso la . den bukan eh hotstufffffffffff cam kongkawan den yang lain . haha . ok lah . ma'assalamah , wailalliqa' ,wabillahi taufik walhidayah, wassalamualaikum waramatullahi wabarakatuh